市場徐想：富力優質內房之選
呢排國家開始催谷股市，不斷推出財政方案，相信股市將重返正軌！要掌握呢個勢頭，當然係用番同內地財金政策息息相關嘅內房股，大家話係咪？
富力地產（02777）主要業務為於內地發展優質住宅同商業物業，亦喺北京、廣州同其他城市發展酒店、辦公大樓及商場，部分作為投資。即使呢兩年中國經濟有放緩迹象，但集團一一年度盈利仍增長11.3%。
富力喺華南及華西地區嘅業務增長頗佳，睇番廣州年內經濟增長更進一步，國民生產總值達1.238萬億元人民幣，增長11%。加上政府過去幾年大力投資基礎建設，鐵路、公路起好，自然會帶起房價，富力可直接受惠。富力喺廣州嘅協議銷售當中，約87%來自八個項目，其中三個項目位於珠江新城。集團充分發揮呢個地域嘅潛力，相信未來會成為集團嘅中流砥柱。睇番數據，集團市盈率只有5.8倍，繼續追蹤、出發！