魚缸Blogger：海通證券小注怡情
阿爺沉默多時，尋晚終於出手，執筆時人行突宣布減息0.25厘，睇嚟魚缸今日應該可以追番隔晚美股嘅升勢。
內地正式放水，最先受惠應該係疲弱多時嘅內地股市，而最近盈利開始見復甦迹象嘅海通證券（06837），亦會係重點關注對象。作為內地第二大券商，海通上月純利按月升77%至3.89億人仔，遠遠跑贏同業中信証券（06030）嘅16.8%升幅，如今內地減息救市，相信集團下半年收入可逐漸回升，而且股份預測PE較中信証券嘅廿三倍仍有一段距離，技術上又喺9.65至9.8元水平營造高低腳雙底，小注怡情，阻力先睇11蚊，支持9.6元。
海通證券（06837）
阻力位：11.0元
支持位： 9.6元