SUN勢力：達芙妮走勢硬淨
喺憧憬各國政府救市之下，港股已經連升三日，原本諗住今次嘅希望好可能又再落空，點知人行係尋日傍晚終於出手，宣布將貸款利率同存款利率，同時降低25個點子，仲要今日即時生效，睇嚟恒指短期內有機會上試19,000點。
留意到尋日達芙妮（00210）股價曾經重返250日線之上，雖然尾市股價回軟，但股價近日在8元水平有明顯承接，走勢相對大市硬淨。而實際上，集團今年首季的營運數據理想，同店銷售增長達22%，相較同業百麗（01880）首季只有2.8%，表現明顯標青。雖然集團減價促銷會令毛利率受壓，但薄利多銷都不失為一條出路，況且達芙妮走的是中低檔路線，所受的影響較高檔的產品為低。
集團管理層曾於四月時配售3,000萬股，令股價下挫，但近周卻逆市靠穩，相信市場已消化負面消息，不妨小注博反彈，阻力位先睇9.36元。
達芙妮（00210）
阻力位：9.36元
支持位：8.00元