魚缸Blogger：大唐發電短線之選
憧憬歐美央行放水，魚缸尋日終於出現似樣反彈，但目前離希臘國會補選愈來愈近，脫唔脫歐似乎仲係最大嘅不明朗因素，所以最好都係輕裝上路，瞓身撈底未係時候。
尋日電力股升勢持續，其中大唐發電（00991）更以大陽燭抽上，力迫五十二周高位3.03元。睇番大唐今年首季純利，按年爆升3.44倍至3.87億人仔，似乎阿爺舊年加上網電價嘅正面影響已經浮現，而集團近年亦積極進軍上游煤炭資源，以對沖煤價上漲，再加埋被市場解讀為開放內地電力市場先兆嘅階梯式電價政策，將會喺今個月實施，尋日成交又見大增，短線應有力再衝多浸，阻力先睇3.3元。
大唐發電（00991）
阻力位：3.3元
支持位：2.8元