魚缸Blogger：廣藥搭轉順風車
魚缸死亡交叉再現，似乎後市仍然暗湧處處，雖然恒指現時PE九倍都唔夠，但跌市莫估底，就算要買都要搵強勢股。
炒王老吉概念嘅廣州藥業（00874），近兩個月股價翻咗一番有多，尋日更逆市怒升一成兼創五十二周高位，霸氣盡現，股友錯過咗早前升浪唔緊要，破位後追買一樣有肉食。廣藥母公司重奪王老吉經營權後，日前正式推出新包裝嘅王老吉，並銳意喺一七年實現300億人仔嘅銷售額，比廣藥尋日收市時市值高成十倍有多，加上憧憬母公司嘅重組概念，且股份尋日喺跌市下仍吸引資金追入，以大陽燭破腳穿頭企喺13蚊樓上收市，不妨搭轉順風車，阻力睇15蚊。
廣州藥業（00874）
阻力位：15元
支持位：12元