市場徐想：金軟贏得用家歡心
面書自上市以表現甚弱，反而騰訊（00700）今年上半年表現堅挺，而近來較為強勢嘅板塊都算係科技板塊，當中不得不提業績靚仔嘅金山軟件（03888）。
金山軟件去年七月引入騰訊為戰略股東，集團旗下遊戲產品喺內地十分出名，並透過持續優化玩家體驗的策略，令業績不斷增長。金軟的另一賣點，就是持續改善由雲端技術作基礎而研發的金山毒霸二○一二獵豹版以及金山衞士，優質的產品令用戶基礎獲得大幅增長。乘着移動互聯網勢頭，集團推出的金山手機衞士安卓版亦獲得良好反應。集團亦度身為客戶訂造不同的軟件設計，包括推出一鍵體檢、隱私保護、移動電話防盜等又新又實用的功能。
睇睇數據，集團今年首季純利增長30.8%，市盈率9.8倍，息率2.89厘。繼續追蹤、出發！