牛熊對壘：看淡後市博恒熊62351

美債孳息跌至六十年低位，巴西去年第四季經濟增長只有0.3%，市場悲觀情緒瀰漫，油價續跌，金價急速反彈，投資者對未來經濟投不信任票。

負面因素大包圍，港股昨日開市即刻唔見三舊，一度低見18,056點，49隻牛證被打靶，當中36隻為恒指牛證，估計被收的街貨超過11億份，相當於二千多張對沖期指。

淡友不斷殺落，牛仔連環被劏，重貨區惟有向下退守至18,000點之下。牛熊證成交按日增加近兩成，至76.66億元，佔主板成交比重升至14.8%，窩輪成交就較上周五下跌3.5%至64.31億元，反映大家炒市不炒股，專攻指數類產品的衍生工具。

上周五，恒指守於一萬八千五的心理關口，當日資金選擇流入沽輪及熊證的恒指淡倉，涉及464萬元，過去五個交易日流入資金達5,771萬元，好倉在周五單日錄得760萬元資金流出。大市由五月轉跌以來，愈來愈多人就算唔睇淡，亦唔敢睇好，趁跌市博牛證反彈的力量不斷減弱。

大市成交517億元，沽空佔去了10.8%，友邦（01299）沽空最多，達2.79億元，平保（02318）及港交所（00388）都有2.21億元及2.05億沽空額，幾隻股票全跌，跌得最傷是平保，收市跌5.4%，全力競投LME的港交所亦跌足4.7%才收場。

宜採即市睇位策略

黃金成為跌市奇葩，金礦股全面做好，但金飾零售股未能受惠，部分更創五十二周新低，六福（00590）收15.04元，周大福（01929）收報8.59元。另一跌市中爆升的是恒指波幅指數，昨升至31.4點。大市趨波動，窩輪引伸波幅擴大，有利輪價，惟發行商亦要在場外期權市場調整對沖以應付。

從隔夜坐倉情況，大家對後市睇法偏淡，就算技術上恒指9日RSI只有21，都難以作為買上的誘因，但同時又怕大戶反手挾上，建議採用即市睇位策略，若早段恒指未有大幅低開，可小注再做熊證，恒指瑞信熊（62351）今年十月三十日到期，收回點數19,150點，槓桿比率12.9倍。