魚缸Blogger：敏華業務持續改善
歐美股市上周五再冧過，道指大跌近三舊，除非阿爺開市前公布放水大計，否則今日魚缸應該無運行，而且秋官套劇仲有成個月先做完，睇嚟喺六月炒股仍然要膽戰心驚。
正因為市況唔就，所以暴炒男嘅策略都要保守番啲。雖然主要產銷梳化嘅敏華（01999），舊年少賺超過一半至3億元，但市場睇好集團歐美業務復甦，指去年財年下半年出口業務銷售按年升三成，而集團管理層亦指最近定單數目創新高，並會積極進軍內地中低檔市場。同時，阿爺早前推出嘅刺激內需政策，似乎谷極都谷唔起，所以唔排除好快又會有一輪政策，但近排市況凶險，都係等敏華股價落番3.3元先再諗。
敏華（01999）
阻力位：3.8元
支持位：3.0元