Fundman睇市:金價回升紫金有得諗

五窮六絕,美國五月份就業數據教華爾街失望,新增職位只得6.9萬份,係一年來最差,數據震散美股,道指跌274點,報12,118點,同時把年初至今升幅化為烏有。歐債危機、中國出口急速減慢,美國經濟引擎一旦熄埋火,地球村經濟病重,隨時推入深切治療部。

周末唔少美國經濟學者,認為五月弱到極的就業數據,可促使聯儲局提早推出新一輪QE,至少在十九、二十日的會議上,會把月底到期的扭曲操作(OT)有效期延長,看來市場仲係太樂觀。不妨睇數據之後,美國十年期及三十年期債券孳息,周五已經雙雙創出新低,十年期債息一度跌至1.4387厘歷史低位,亦遠比去年九月,歐債危機第一波做出的1.72厘低。中學生經濟科都應該學過邊際效益遞減(DME),息口低處未算低,到今日長債息連1.5厘都無,同日本長債息差距唔夠0.6厘,即使再推低啲啲,對刺激經濟作用亦會日益低落,睇情況聯儲局要再想吓QE以外的其他辦法。

究竟美股終極一跌出現咗未?上星期五美股的恐慌指數(VIX)急升2.6,去到26.66的半年新高,不過比起去年七、八月,指數由18抽升至48水平,恐慌到極的大跌市,看來是仲未出現。

周末𥄫到實,睇睇中國及歐洲央行會否聯手撫平金融市場的動盪。其實綜觀整個歐盟,又或者個別國家好似法國、意大利、西班牙及荷蘭等,第一季GDP均跌至1%樓下,第二季極可能更差,歐央行有條件將1厘基準利率,索性減到半厘,甚至同美國的0至0.25厘睇齊,但最後唔單止無見歐央行出手,希臘同歐元區的博弈,反而見升溫趨勢,德國總理默克爾強硬表示,絕對唔支持發歐元區共同債券,今次膽小鬼遊戲要去到幾大鑊?看來股民唯一可做是自求多福。

從外圍走勢睇嚟,港股今日低開二三百點無可避免,然而上星期五美國數據之後,金價罕有的一洗頹風,抽升近60美元,一日內連破10、20及50日線幾個短期阻力位,似乎市場押注短期內,世界三大央行會推出更大規模量化寬鬆,開始賭貴金屬市場回升,會唔會又中空寶?要睇國際金價是否能夠升穿後企穩1,600美元樓上。睇番五月中,紫金(02899)股價見過2.27元低位後,有市跌佢唔跌的走勢,自認膽生毛堅持要日日賭過至安樂的,不妨留意。

嘟QR碼行情全面睇

史提芬又有好介紹,為向讀者提供更多優質服務,《太陽財經》已將部分股市行情版資訊放到手機版網頁上,讀者可用智能手機的閱讀QR編碼應用程式,掃描行情表內的QR編碼,快速進入相關網頁,瀏覽包括派息備忘、沽空紀錄、大手成交等行情資訊,讀者更可掃描在史提芬專欄內的QR編碼,查閱港股二十大升跌及成交即市資訊,緊貼市場脈搏。

搵樓18即睇最新樓價走勢、最全面地產新聞及筍盤情報

「Money18免費即秒股票報價網站」現推出8升級功能,財經資訊,實時實發!

史提芬