魚缸Blogger：中國玻璃前景改善
炒阿爺救市同減息之下，魚缸尋日反彈254點，重返10日線樓上，但今日係期指結算，唔排除短線反彈只係大戶最後一浸轉倉所帶動嘅升勢，所以最好都係等埋結算再算。
國策股輪流追落後，尋日輪到建材股發威，今日就順手睇吓隻中國玻璃（03300）。阿爺話要提振基建同支持小排量車，當中自然要用到玻璃，而中國玻璃係全球手執Low-E同TCO玻璃自主知識產權嘅三間公司之一，加上今年首季內地玻璃價格回升，相信集團嘅盈利前景應可改善。中國玻璃現價PE只得七倍幾，較另一龍頭信義玻璃（00868）有近四成折讓，尋日股價爆升12%後走勢轉強，阻力不妨先睇1.3元。
中國玻璃（03300）
阻力位：1.3元
支持位：1.0元