魚缸Blogger:滬杭甬5元邊上車
外電傳來西班牙第四大銀行求救嘅消息,再加埋大市上周五曾經穿底,所以今日都係打番穩陣波好啲。市底疲弱,似乎資金都係保本為上,上個禮拜五就見一眾高息公路股異動,跑贏大市,今日就一於(目及)實隻盈利能力同派息都不俗嘅浙江滬杭甬(00576)。
滬杭甬今年首季業績算係有交代,純利僅跌2%至4.17億人仔,較安徽皖通(00995)同江蘇寧滬高速(00177)分別跌12%同4%為佳,加上憧憬阿爺提振基建嘅項目快將開動,到時應可帶動公路嘅車流量,加上滬杭甬息率有逾7厘,不妨喺5蚊邊上車,首站目標先睇5.4元。
浙江滬杭甬(00576)
阻力位:5.4元
支持位:4.8元