魚缸Blogger:中國光纖現價抵買

隔晚歐美股市散散哋,但港股尋日尾段曾倒升幾十點,不過,喺歐洲多國弱過藥煲嘅經濟數據下,魚缸最終要跌119點,如果確認失守上周五低位18,622點,後市隨時萬八見。

炒咗幾日嘅基建股,尋日終於要回吓氣,其實中央除咗表示要振興基建,月初溫爺爺亦曾指要加快三網融合,再配合「十二五」期間要增強發展寬頻網絡,今日就順手睇吓走勢轉強嘅中國光纖(03777)。受惠於三網融合,作為內地最大嘅光纖活動連接器生產商,中國光纖舊年純利按年增近四成,至2.53億人仔,加上內地三大電訊商已表明將加快寬帶建設,而中國光纖現價同預測PE四倍唔夠,已到抵買水平,阻力先睇1.3元,支持喺1蚊。

中國光纖(03777)

阻力位:1.3元

支持位:1.0元

搵樓18即睇最新樓價走勢、最全面地產新聞及筍盤情報

「Money18免費即秒股票報價網站」現推出8升級功能,財經資訊,實時實發!

暴炒男