魚缸Blogger：吉汽續有反彈空間
尋日港股先升後跌，明顯彈散格，恒指最後倒跌收場。不過，跌市中都有好消息。國務院昨日通過決定安排財政補貼363億元人民幣，啟動推廣符合節能標準空調、平板電視等家電；而當中有60億元人民幣用作支持推廣1.6升及以下排量節能汽車。受上述消息刺激，汽車股普遍向上，當中吉汽（00175）升2.3%，收報2.62元。
其實，60億人仔話少唔少，話多唔多，對於面對內地汽車市場放緩嘅車企嚟講，有幫助但又未至於係天大喜訊。吉汽早前公布四月份之總銷量較三月份減少約11.4%，但股價自三月高位3.56元至今唔見成蚊，短線有反彈水位，阻力睇3元。
吉利汽車（00175）
阻力位：3.0元
支持位：2.5元