市場徐想:青啤品牌價值提升

青島啤酒(00168)係中國其中一個最大嘅啤酒生產商同銷售商。喺內地經濟平穩快速增長嘅環境下,一一年公司啤酒產量達4,899萬千升,增長10.67%。公司一直堅持品牌為重嘅發展戰略,不斷提升品牌形象,營造高檔次嘅形象。另集團不斷提升同優化產品結構,主要針對內地中高端市場。

公司實行「大客戶+微觀運營」嘅營銷模式,喺某幾個區域打造基地市場,務求完善本身嘅銷售網絡。同時間,公司仍然繼續加大市場開發力度,令山東、陝西等基地市場持續增長,市場佔有率穩步提升。

另外,近年公司的體育營銷戰略,將運動同品牌連結,取得優越嘅成果!例如公司舉辦嘅青島啤酒「炫舞激情」啦啦隊選拔賽,以及成功簽約出征一二年倫敦奧運會嘅中國體育「冠軍之隊」以及美國NBA熱火隊,在在提升咗自己嘅品牌形象。睇番數據,集團仍然維持不俗增長,一一年盈利上升14%。繼續追蹤、出發!

搵樓18即睇最新樓價走勢、最全面地產新聞及筍盤情報

「Money18免費即秒股票報價網站」現推出8升級功能,財經資訊,實時實發!

港大電子金融服務榮譽助理教授 徐燦傑