魚缸Blogger：中國建材強勢展現
港股終於終止八連跌頹勢，而且配合成交增加，短線可搵勢頭較勁股份博反彈，其中暴炒男就最like隻中國建材（03323），見佢一早開市仲係無厘神氣，點知轉個頭就升得鬼咁快，最後以一招破腳穿頭收市，全日升5.3%，收報9.22元，純睇技術走勢都買得過。
好多證券商都預言話水泥價格已喺首季見底，並會喺次季反彈，加上中建材過往因產能擴張較快但負債較高而被市場低估，但既然中央開始放鬆銀根，加上集團如果喺年底前能夠發行A股，相信對降低負債有幫助。中建材喺8.65元承接力唔錯，現價博反彈，上望10.5元唔過分，若跌穿8.5元跳船，輸極有數圍。
中國建材（03323）
阻力位：10.5元
支持位： 8.5元