魚缸Blogger：弘海搭轉順風車
內地上月進出口數據奇差，至於今日公布嘅CPI，雖然普遍預期回落，弊在原來希臘孭緊條數有成5,100億美元，睇嚟歐美出手之前，阿爺都幾難放水。
自三月底市場傳出弘海（00065）將會收購主營煤炭加工業務嘅長春國傳能源後，弘海嘅股價差唔多升咗成倍，如果收購成功，保守估計長春國傳嘅褐煤提質業務，每年能夠為弘海帶嚟5,000萬人仔盈利，難怪弘海股價愈升愈有。值得一提嘅係，弘海同長春國傳嘅大股東同屬一人，相信呢單deal拍板只係時間問題，眼見隻股尋日又破頂，暴炒男亦為之心動，不妨喺佢好消息炒完之前搭轉順風車，先睇1.6元。
弘海（00065）
阻力位：1.60元
支持位：1.35元