市場徐想：首都機場增長迅速
成日飛返內地，自必然又有留意吓內地航空業務嘅發展。北京首都機場（00694）主要業務同個名一樣，經營北京首都機場。隨着內地經濟不斷發展，航空交通流量增長非常快。公司受惠於呢個趨勢，截至去年十二月底止年度，飛機起降架次達533,257架次，旅客吞吐量達78,675,058人次，貨郵吞吐量累計達1,640,247噸。
中國民航業喺未來五年，相信會維持住每年13%左右嘅增速；另外，機場建設費返還政策，將延續至二○一五年，對公司而言係個大幫助；首機近年不斷加強同國內外航空公司合作，共同開拓航空市場，促進航空公司增加航點同埋航班頻次，完善網絡。目前，首機仍然繼續新機場嘅建設，相信集團嘅成長速度會愈來愈快！
睇番數據，集團一一年收入為65億元人民幣，按年增12.5%，盈利為11.14億元人民幣，增長87%。繼續追蹤、出發！