魚缸Blogger:冠捷科技呈轉強迹象
美國上月非農就業數據差勁,但法國同希臘選舉因素,難保淡友今日借題發揮,就算今朝魚缸低開,最好都等三點後先部署。
液晶電視同電腦屏幕生產商冠捷(00903),舊年純利倒退近三成。不過,近年興智慧電視,冠捷早前亦收購咗飛利浦嘅電視業務,最近亦同熊貓液晶顯示合作喺南京設廠,藉以為集團提供穩定嘅大螢幕電視同標板產品,加上冠捷計劃今年下半年推出Smart TV,相信可為集團重新帶嚟增長動力。
走勢上,雖然冠捷近排幅圖有轉強迹象,但市況波動,所以今日都係先觀察股價能唔能夠守穩密集區1.85元支持,再見機行事。
冠捷科技(00903)
阻力位:2.00元
支持位:1.85元