SUN勢力：歐舒丹盈利能力強

積奇發現身邊嘅女性朋友，個個支Hand cream都要百幾蚊支，但其實超級市場十幾蚊都買到支，但佢哋話百幾蚊嗰啲搽完隻手會滑啲，有冇滑到就唔知，淨係知荷包會扁咗，所以話女人錢易賺真係無錯。

歐舒丹（00973）主要產銷有機成分的化妝品及護膚品，有指集團每5秒就可售出一支乳木果潤手霜，而根據去年九月底止的中期業績顯示，集團毛利率高達82.3%，可想而知有幾好賺。剛公布截至三月底止第四季業績，銷售淨額增長18%至913.4百萬歐元，整體同店銷售增長6.7%，表現不俗。集團近年拓展新興市場，中國、香港及巴西在第四季分別錄得51.9%、33.7%及35.3%的強勁增長。內地今年初將護膚品進口關稅由6.5%下調至5%，有助進一步提升歐舒丹毛利率，而集團將於六月中公布全年業績，屆時股價或可進一步做好，阻力位先睇去年七月底高位22.3元。

歐舒丹（00973）

阻力位：22.30元

支持位：19.79元