鍾舒漫想3年後創業

1.你認為自己現時財富屬於哪一級？（分五等級：優、良、常、可、劣）

答：常，因為收入唔穩定，都試過去到劣嘅地步。

2.你試過最貧窮是何時？當時情況是怎樣？

答：初入行嗰時零收入，要靠父母接濟。

3.你試過最富有是何時？當時情況是怎樣？

答：應該係上年（2011年），至少畀到首期成功置業。

4.每月的收入中，儲蓄、投資及消費分別佔多少？

答：收入全部都會入落媽咪戶口，只係有一萬蚊零用用嚟買衫、搭車。

5.金錢對你的重要程度（分五級：極重要、很重要、重要、不重要、絕不重要）

答：重要。

6.你每月開支平均大約多少？

答：一萬蚊，好多時要搭的士出入，交通費開支最勁。

7.你現時身上帶有多少現金？

答：六十蚊，平時都係袋四百蚊，因為銀包多錢就會心癢癢想買嘢。

8.你從何時開始儲蓄？

答：中學，當時係為咗買鍾意嘅嘢而儲。

9.你擁有多少個銀行戶口？

答：得一個，就係媽咪「出糧」畀我嘅戶口。

10.你幾多歲賺到首個一百萬？

答：因為去年買咗樓，希望今年可以儲到一百萬Cash。

11.你現時有否借貸？（包括信用卡、樓宇按揭及私人貸款）

答：有，係樓宇按揭。

12.你現時共擁有多少張信用卡？

答：一張，因為唔想先使未來錢，所以好少碌卡。

13.當中最大的信用限額是多少？

答：四萬蚊。

14.你現時擁有多少個物業？

答：一個，買嚟同屋企人住。

15.第一次買樓時你幾多歲？（如果沒有，你的目標是在幾多歲買樓？）

答：廿六歲。

16.過往你有否投資過物業？結果是怎樣？

答：依家嗰層係自住嘅，帳面賺緊，但短期冇諗過賣。

17.你有冇投資股票或基金？

答：自己有買基金，股票嗰啲係媽咪幫我投資。

18.港股在每日何時開巿？

答：早上九時三十分。（編：啱！）

19.你有否購買保險？若有，共擁有多少份保險？

答：有一份，係中學時期由父母幫我供到依家。

20.你打算何時退休？

答：做到幾耐得幾耐，永不言休。

21.你認為至少要擁有多少儲蓄才可安心退休？

答：因為我有信仰，儲幾多我都可以安心退休。

22.你認為自己有沒有商業頭腦？

答：有呀，之前有諗過開舖。

23.你可曾創業？若有，結果是怎樣？

答：冇試過，希望兩、三年後成事。

24.可以分享一條絕世發達的妙計嗎？

答：腳踏實地。

個人資料

姓名：鍾舒漫（Sherman）

年齡：27歲

職業：歌手