她們怎看4G

利電訊股

Lu ：「4G應該會係大勢所趨，但我唔會即刻轉用，因為我間電訊供應商仲未有呢個服務。其實依家3G都仲應付到我嘅需求，等多啲支援到4G手機出咗會再考慮。但覺4G話晒都係新嘅服務，新推出嘅時候，應該會有利電訊股股價表現！」

必成潮流

Stella：「4G同3G嘅上網速度相差太遠，所以未來一定會轉4G，如果轉嘅話。自己本身用開Adroid機，所以唔會等iPhone出咗4G先轉。香港人好肯試新嘢，所以我估4G會幾受歡迎，亦都會成為潮流，令電訊股股價再度向上。」

會試新嘢

Kinki：「4G傳輸速度比3G快五十倍喎！快咁多，完咗合約會試吓轉o架！雖然暫只有兩個台有提供呢項計劃，但月費同依家3G差不多，所以都會吸引到我考慮轉用！對我嚟講，最重要係快！如果嚟緊嘅iPhone 5係支援4G嘅話，我會更加想轉囉！香港人貪新鮮，有新科技嘅定會走去試啦，所以覺得4G遲早會成為潮流！」

唔急轉用

Jenny：「嚟緊推出4G應該唔會即刻轉用，會等到再普及啲先啦！而且淨係個速度快，無其他特別功能同好處，都未係好吸引到我，可能凡事都要領先一步嘅潮人先會即刻轉囉！我覺得對電訊股都有幫助，因為如果4G真係hit，咁呢兩間電訊商會被認定為領先同業。」