市場徐想：光大國際佳績支持
光大國際（00257）係正宗嘅環保股，集團負責建造、營運環保水務項目、環保能源項目、新能源項目、環保科技及工程管理、收費橋樑營運等等，絕對係環保嘅先驅！國家「十二五」規劃嘅「七大戰略性新興產業」政策，不斷提出「節能減排」呢個觀點，就知道未來祖國會加大力度推行環保。集團早幾年已經將業務轉型，不斷投資喺環保、新能源領域，認真有先見之明。
集團嘅成績有目共睹。首先，業績再創新高，去年全年賺8億元，增長三成。同時間，集團眼光獨到，旗下投資嘅項目都運行穩定，好多項目例如垃圾處理量、發電量等都不斷創新高。此外，集團亦不斷開啟新動力，如喺鎮江建成同投運嘅自主研發爐排爐等等。
環保同新能源都係高速發展嘅行業，而集團亦睇準機會，不斷開拓國內外市場，相信未來前景秀麗！集團業績靚，市盈率16.7倍。