魚缸Blogger：翔宇疏浚可博再彈
港股尋日彈升52點，惟市傳北韓又再蠢蠢欲動搞核試，加上歐債危機有惡化迹象，尋日港股可能只係一次死貓彈！
鹹魚翻生嘅仲有翔宇疏浚（00871），受民企風暴來襲，近月股價曾累跌近五成，到近日先開始有起色。其實，集團嘅基本因素唔曳，舊年純利急飆兩倍至3億元（人民幣．下同），今年手頭定單又有二十幾億，加埋最近攞到山東省兩紙共4.5億嘅合約，今年錢景應該唔會差得去邊，配合「十二五」規劃扶持水利工程行業，而股份PE又得四倍，現價跟進應該仲有水位，博佢今日再開多支大陽燭抽上，營造「三個白武士」的利好走勢，阻力位先睇2.4港元。
翔宇疏浚（00871）
阻力位：2.4元
支持位：2.0元