魚缸Blogger：合生元盈利能力強
再有上市企業高層受查，睇嚟本地地產同重慶概念股短期內都係少掂為妙。
暴炒男喺三月上旬曾叫股友望吓隻合生元（01112），睇17.5元，結果最後超額完成，股價直奔20蚊樓上先肯回，而今次再叫大家留意佢嘅原因，除咗股價又破位外，盈利能力強勁仍然係集團主要賣點。雖然上季業績仲未公布，但集團旗下「媽媽100」會員計劃的活躍會員已突破100萬名，零售點更增至逾1.1萬個，配合內地對食品要求日漸提高，主營進口嬰幼兒用品嘅合生元自然持續受惠。
該股尋日股價再創五十二周新高，不妨區間操作，待回調至21蚊跟進，阻力睇24蚊。
合生元（01112）
阻力位：24元
支持位：21元