魚缸Blogger：蒙牛破位展新升浪
歐債危機陰霾再現，雖然港股尋日仍以陽燭收市，但一浪低於一浪嘅形態已經行咗個幾月，高位派貨味濃，短線難以擺脫弱勢。
蒙牛（02319）宣布易帥後，尋日股價逆市升近2%。睇番新總裁孫伊萍份CV，原任職蒙牛大股東中糧集團西南區總經理，今次由國企空降要員，應可進一步挽回消費者對蒙牛信心。公司較早前亦表示，喺未來五年將投資最少30億人仔搞自建牧場，確保奶源安全，加上蒙牛喺行內擁領導地位，舊年純利有逾28%增長，而該股尋日確認突破平頂三角形走勢後，逼近250日線24.52元阻力，不妨現價跟進博破位後再展新升浪，阻力先睇26元。
蒙牛（02319）
阻力位：26.0元
支持位：23.5元