市場徐想：太保業務平穩增長
今年上海會作為「個稅遞延型養老保險」嘅試點，令唔少保險公司受惠。個稅遞延型養老保險係乜？就係將保險作為稅務優惠嘅條件，呢點有助保險公司增加壽險嘅滲透率，影響深遠！
中國太保（02601）係領先嘅綜合性保險集團公司，集團附屬公司同關連公司持續不斷為全國各地個人同機構客戶提供廣泛人壽同埋財產保險產品。集團近年着力鞏固本身應對國際金融危機衝擊嘅能力，不斷以實現平穩較快增長為目標。睇番全國保險市場，近呢兩年都有良好發展，而集團市佔率達9.9%，着實犀利！
集團呢兩年保費收入增長迅速，市佔率不斷增加，資產規模不斷擴大。有鑑於股票市場下滑趨勢，以及壽險準備金評估利率曲線下移嘅影響，太保早已做好防備措施，最重要係集團近年專注行銷渠道方面，令整體銷售能力得以提升。太保市盈率二十倍，低過中國人壽（02628），息率有1.7厘。繼續追蹤、出發！