魚缸Blogger：珠江鋼管政策扶持
等咗幾日嘅超賣反彈終於出現，大市尋日回升186點，配合內地傳出多項利好消息（深圳推金融創新、上月新增貸款超預期等），睇嚟今轉反彈應該仲可以玩多陣。
異動股可以睇吓隻珠江鋼管（01938），雖然最新公布上季定單錄得按年跌幅，但主要係因為集團嘅產能已經用爆，有見及此，集團已加緊擴充產能，並預料珠海廠房亦將擴產，而內地「十二五」規劃期間將扶持天然氣行業，相關管道嘅技術含量亦較高，自然可以令作為行業龍頭嘅珠江鋼管做到貨如輪轉。尋日一支大陽燭收復四條移動平均線，且成交大增，若回吐至2.8元水平可關注，阻力先睇3.2元。
珠江鋼管（01938）
阻力位：3.2元
支持位：2.7元