市場徐想：中建材具規模優勢
祖國經濟高速發展，到處都大興土木，難怪做建材生意嘅中國建材（03323），一一年純利可以升138%咁勁！
中建材目前受惠幾個因素，首先係一一年業績靚仔，超出市場預期，加上水泥價格近期企穩，且有機會上漲，亦對中建材有利。集團係內地建材行業嘅大阿哥，主要經營水泥、輕質建材、玻璃纖維同埋玻璃鋼製品等等。雖然已經過咗幾年，但國家4萬億元人民幣嘅基建投資，令各行各業對水泥需求極盛。此外，中央政府推行節能減排，呢方面會淘汰好多劣質企業。呢個情勢，亦有助中建材繼續壯大！
尤其係，中國淘汰落後水泥產能政策逐步嚴厲，令好多細小同冇效率嘅水泥企業都要關門大吉！各級政府亦推出一系列措施，令到水泥企業兼併重組速度加快。要喺咁嘅環境下生存，冇番咁上下身形，又點可以行走江湖呢？集團市盈率不足六倍，息率2.5%。