魚缸Blogger：神冠博反彈有得諗
港股尋日喺一片睇淡聲中，總算力保兩萬大關，加上大市逼近超賣區，就算中線要再跌，短線技術性反彈應該好快出現。
近排多隻民企股跌幅超前，動輒跌一成以上，但正所謂有危亦有機，今日就不妨睇吓股價已經八連陰嘅神冠（00829）。
喺內地主營膠原蛋白腸衣、並擁有近九成市佔率嘅神冠，舊年業績總算見得吓人，賺6.89億人仔，按年升34%，可能因為股價低殘嘅關係，主席兼大股東今個月已三次增持。其實神冠本身既受惠提振內需嘅國策，過往亦無重大不良紀錄，照計現價跟主席入場博反彈應該有得諗，阻力先睇4.4元，跌穿4蚊走人。
