魚缸Blogger:華潤水泥值得跟進
內地上月CPI略高過預期,加埋上周美國公布嘅新增非農業職位數目只有12萬份,遠遜預期,相信今日港股無可避免一跌。
上周四成交繼續縮,大市要跌近兩舊先放復活節假,惟水泥同內房股表現活躍,之但係內房股久唔久就會受樓控政策拖住後腳,所以有國策支持嘅水泥股較值追,其中華潤水泥(01313)係暴炒男嘅心水。
潤泥舊年純利按年大增逾一倍,至近42億人仔,雖然一至三月係水泥業淡季,但隨着四月來臨,保障房同基建項目陸續開工,各地嘅水泥行情可望回暖,加上潤泥紮根喺較富庶嘅華南,各類住宅需求持續,配合股價已連開七支陽燭,跟進阻力不妨先睇7蚊。
華潤水泥(01313)
阻力位:7.0元
支持位:5.8元