魚缸Blogger:中國電力挑戰2元關
前日大戶果然趁長假期前市靜調轉嚟炒,但唔好彩嘅係隻昆侖能源(00135)宣布配股,拖累股價下跌。但昆能始終係實力股,如果唔穿配股價13.1元,仍值得繼續持有。
能源有價,雖然內地發電成本仍然偏高,但阿爺舊年年尾已上調電價,加上溫總近月亦高呼要電價改革,配合積極扶持再生能源嘅國策,今日就順手睇吓隻見底反彈嘅中國電力(02380)。受累旱災持續,中國電力舊年純利按年下跌逾24%,但隨着踏入雨季,加上最近市傳國資委或計劃對內地電企注資,中短線應有利電力股氣氛,且中國電力預測PE得七倍幾,配合前日收復250日線,跟進阻力可先睇2蚊。
中國電力(02380)
阻力位:2.0元
支持位:1.7元