魚缸Blogger：東岳錢途一片光明
民企洗倉潮仲未退卻，尋日金魚缸就上演「溏心風暴」，新地（00016）系高掛免戰牌，不過收市後長實（00001）、和黃（00013）公布嘅業績幾靚仔，後市氣氛好壞參半。
如果要博反彈，今日就不如望多兩眼隻東岳（00189），自月中公布完業績後，股價幾乎浸浸落，到近日下試250日線先搵到支持。論基本因素，集團舊年純利爆升近兩倍，而技術含量相當高嘅離子膜又會係出年投入商業生產，加埋本身主打嘅製冷劑，今年嘅錢途仍一片光明，配合股價尋日開出「破腳穿頭」嘅凌厲走勢，喺牛熊分界線附近部署應該有得諗，反彈阻力位先睇7.5元。
東岳（00189）
阻力位：7.5元
支持位：6.5元