市場徐想：越秀地產穩紮穩打
越秀地產（00123）主要業務包括發展、出售同管理物業，以及持有投資物業。雖然國家宏調，但集團靠住優秀嘅管理團隊，仍然令公司交到靚靚嘅成績表！
集團定位清晰，穩固基地，一向都以珠三角為核心，以長三角、環渤海、中部地區為重點。集團有見宏調令土地市場持續調整，所以靜觀其變，審慎購地，唔會買到現金流過低。
集團仍維持「穩步發展」嘅方針，並不斷積極提高自己嘅開發建設技術，同時間引入高增值元素。集團近年開始加快向全國化轉型嘅步速，不斷改革各個管理體系，令管治效率不斷提高。加上集團屬下聯營越秀房產信託基金（00405），上年總經營收入約5.22億元人民幣，增長7.8%，亦係集團另一筆收入來源。
睇番數據，一一年盈利增長459%，市盈率2.26倍，息率約5.4厘！繼續追蹤、出發！