魚缸Blogger：安東油服破位而上
港股尋日走勢相當靚仔，淡友冚倉盤帶動下，期指收市後大高水，加上聽日期指結算，超人嘅長實（00001）同和黃（00013）又出業績，睇嚟高位結算嘅機會增加。
伯老表示繼續採用寬鬆貨幣政策，市場亦憧憬歐洲增強救市火力，加埋緊張嘅伊朗同北韓局勢，油價短期內要跌穿100蚊美元應該都幾難。雖然油氣服務商安東油田服務（03337）舊年少賺逾33%至7,730萬人仔，但主要係受一次性因素所致，加上集團積極進軍中東油田市場，油價持續高企下集團應可受惠。即使股份尋日已爆升16%，但預測PE只有個位數字，技術上亦破位，可在1.1元附近部署，阻力睇1.25元。
安東油服（03337）
阻力位：1.25元
支持位：1.00元