魚缸Blogger：中航信有力升多浸
尋日恒指無升跌，主板成交得442億元，係一月以來嘅最低，好淡雙方都未敢輕舉妄動，作為老散就更加一動不如一靜。
喺內地機票預訂系統市場幾乎做獨市生意嘅中國民航信息網絡（00696），聽日將會公布業績。中航信嘅主要賣點，係勝在業務夠穩定，內地三大航空公司都係佢主要客戶，而集團亦積極研發新一代訊息系統，且《中國民用航空發展第十二個五年規劃》將重點提升航空運輸能力，對主營航空訊息技術、清算同結算嘅中航信，自然屬利好因素，加上股份近日喺低位有支持，而預測PE亦唔夠十倍，不妨博佢喺業績公布後再升一浸，跟進阻力睇4.5元。
中航信（00696）
阻力位：4.5元
支持位：4.0元