市場徐想：金界盈利能力強勁
早排去咗東南亞走訪，發覺當地近來受惠全球化，發展一日千里。金界控股（03918）主要業務在柬埔寨經營酒店同娛樂城NagaWorld。
大家都有眼睇，近幾年歐美國家經濟唔掂，亞太區同一眾新興國家成為增長動力！尤其是東南亞一帶，龐大嘅旅客人數同埋消費，令佢哋嘅旅遊事業受惠不少。
睇番二○一一年到訪柬埔寨嘅遊客，較一○年增加約15%，合共約290萬人次。集團在當地擁有世界級嘅餐飲、娛樂、酒店以及會議展覽設施等等，近幾年更不斷加強本身優勢，優化產品同服務，擴充博彩區，藉此提高收入同盈利能力。
受惠於柬埔寨旅業發展，遊客不斷增加，令NagaWorld大廳賭桌生意興隆，成為一個極佳嘅收入來源。集團數據亦十分靚仔，一一年度盈利增長109%，派息又慷慨，息率約6.4%！繼續追蹤、出發！