市場徐想：中旅業務客似雲來
日做夜做冇停手，仍然係過住不停開會、睇公司嘅日子！出外走訪各地，又要訂機票又要訂酒店，旅業興旺真係有佢原因！香港中旅（00308）主要經營旅行社同相關業務，包括酒店、景區、度假區等等，大家都耳熟能詳！
中旅社嘅海外分社同旅遊電子商務平台芒果網，近年知名度亦不斷提高。由於人民幣不斷升值，令內地同胞非常踴躍去香港同澳門旅行，旗下港、澳五間酒店嘅收入都錄得顯著增長。以酒店經營效益去睇，客房平均出租率係91%，平均房價856元，真係客似雲來。
集團一一年景區業務收入為8.81億元，增長24%，世界之窗嘅購票人數增長20%，當中動感影院項目「飛躍美利堅」，令遊客數大增，同時調整票價，更進一步推動人均消費數目增長。此外，亦不停舉辦宣傳活動以提升自己嘅品牌，尤其成功把握唔同嘅節慶，拓展市場，集團市盈率只是約十三倍！繼續追蹤、出發！