魚缸Blogger：瑞年現價值博率高
港股繼續牛皮，但走勢就頗尷尬，究竟係出現中期黃金交叉再上，抑或跌穿250日線觸發調整浪？未確定前注碼只宜輕裝上路。
瑞年（02010）前晚公布舊年業績，表現尚算對辦，純利按年升逾56%至5.52億人仔，毛利率就略為下降1.1個百分點至71.5%，但可能係因為瑞年已橫行多時，尋日就見股價借業績飆逾5%。雖然三月業績期將踏入尾聲，但四月內地將會迎接首個消費月，相信到時內需股又會有一輪炒作，加上瑞年現價處於近兩個月橫行區間嘅下方範圍，而預測PE亦只有個位數字，就算係先睇橫行區阻力3.17元，離現價仲有13%水位，都算值博。
瑞年（02010）
阻力位：3.17元
支持位：2.50元