李亞男睇好人仔
1.你認為自己現時財富屬於哪級?
(分五等級:優、良、常、可、劣)
答:常,中規中矩啦。
2.你試過最貧窮是何時?當時情況是怎樣?
答:幾十蚊加紙,即係百幾蚊港幣左右。嗰時我讀緊書,無收入,幫爹哋做廣告sales賺番啲使費。
3.你試過最富有是何時?當時情況是怎樣?
答:新年啦,有好多人畀利是我,而我又會好積極咁去結咗婚嘅朋友度拜年逗利是,哈哈!最多錢有幾多?秘密!
4.每月的收入中,儲蓄、投資及消費分別佔多少?
答:我每個月會畀七成收入屋企人,佢哋幫我投資同埋儲起佢,剩低嘅我會慳住使。
5.金錢對你的重要程度?
(分五級:極重要、很重要、重要、不重要、絕不重要)
答:重要,但唔係最重要咯。
6.你每月開支平均大約多少?
答:有五位數字o架,主要係交租,香港寸金尺土嘛。衣、食、行都係幾千蚊左右。
7.你現時身上帶有多少現金?
答:五百至一千蚊。
8.你從何時開始儲蓄?
答:我中學時期開始儲錢,由打第一份工開始,嗰時喺戲院賣爆谷。之前啲利是錢,嘻嘻,唔好意思,使晒!
9.你擁有多少個銀行戶口?
答:呢個真係不能說的秘密,sorry!
10.你幾多歲賺到首個一百萬?
答:如果你淨係問我有無賺到一百萬,我覺得應該有,但最弊係我儲唔到一百萬咯。我希望三十歲前可以儲到啦。
11.你現時有否借貸?(包括信用卡、樓宇按揭及私人貸款)
答:無,我唔鍾意問任何人或任何地方借錢,先使未來錢係唔啱嘅。
12.當中最大的信用限額是多少?
答:我唔清楚呀,我好少碌卡,通常畀現金,從未試過碌爆卡。
13.你現時擁有多少物業?(包括自住)
答:無呀,我好努力儲緊錢喇。
14.第一次買樓時你幾多歲?
答:我未有樓呀,希望三十歲左右做業主啦。
15.過往你有否投資過物業?結果是怎樣?
答:無投資過物業。
16.你有否投資股票或基金?
答:我唔係好識股票,但我諗屋企人應該有幫我買。
17.試舉出三間本港藍籌公司的名稱?
答:咁深嘅,我淨係識滙豐o架咋,成日聽人講呢隻股票幾好咁。(編:對,但為甚麼只有一間?)
18.港股在每日何時開巿?
答:我估朝九晚五。(編:錯!係上午九時半)
19.現時最看好哪一個國家的貨幣?為甚麼?
答:我覺得加紙幾好,不過都係人民幣啦,近幾年人仔一直升,而且中國人要支持中國人嘛。
20.你有否購買保險?
答:我有兩份保險,應該要保障嘅範圍我全部投保晒。
21.你認為自己有沒有商業頭腦?
答:我未有呢方面嘅知識,但都好想將來有機會做美容和健康食品方面嘅生意。
22.可以分享一條絕世發達的妙計嗎?
答:我覺得只要懂得積穀防饑,已經等於發達喇,因為唔使捱窮嘛。
個人資料
名稱:李亞男
年齡:27歲
職業:主持及演員