趙嘉懿鍾情銀行股

1. 你認為自己現時財富屬於哪一段？（分五等級：優、良、常、可、劣）

答：常。算係衣食無憂，但唔算好有錢。

2. 你試過最貧窮是何時？當時情況是怎樣？

答：一直都好平均，因為讀書時有父母畀零用錢，十七歲開始做模特兒，父母都有繼續畀錢我，後來拍拖又有男友照顧。

3. 每月的收入中，儲蓄、投資及消費分別佔多少?

答：儲蓄佔20%，投資佔15%，消費佔65%。

4. 金錢對你的重要程度?（分五級：極重要、很重要、重要、不重要、絕不重要）

答：很重要。我覺得無錢就一定唔開心，因為無錢，連最基本嘅生活需要都滿足唔到，錢對任何人都好重要。

5. 你每月開支平均大約多少？

答：數萬元。屋企開支為主，例如水電煤、食飯、家居用品等。

6. 你現時身上帶有多少現金？

答：600元。我向來唔會帶太多現金出街，現金只係用嚟搭的士、買小食之類，其他會碌卡。

7. 你從何時開始儲蓄？

答：二十歲，開始做嘢之後幾年，有個好朋友提醒我要未雨綢繆，唔應該全部用嚟買衫。

8. 你擁有多少個銀行戶口？

答：兩個。一個渣打，一個滙豐，覺得將所有錢放同一間銀行唔安全。

9. 你幾多歲賺到首個一百萬？

答：二十五歲，靠做嘢賺錢慢慢儲起。

10. 你現時有否借貸？（包括信用卡、樓宇按揭及私人貸款）

答：冇，從來都冇。我唔鍾意欠人錢，卡數及所有費用都係自動轉帳。因為以前好多人問我借錢，但借完又唔還，令我好討厭，所以我唔鍾意欠人錢。

11. 你現時共擁有多少張信用卡？

答：3張。每張卡都係同戶口及保險有關，與優惠無關。

12. 當中最大的信用限額是多少？

答：13萬。

13. 第一次買樓時你幾多歲？（如果沒有，你的目標是在幾多歲買樓？）

答：沒有物業，目標在三十五歲買樓。

14. 過往你有否投資過物業？結果是怎樣？)

答：從未投資過物業，因為樓價太貴。

15. 你有冇投資股票或基金？

答：兩者皆有，有投資兩個基金，以儲蓄為主，由二十五歲開始供，以及持有兩隻股票。

16. 主要投資哪一類的股票？為甚麼？

答：銀行股，因為穩陣，係媽咪幫我投資，約三十多萬元。

17. 試舉出三間本港藍籌公司的名稱？

答：不知道。

18. 港股在每日何時開巿？

答：上午九時。（編答：上午九時三十分）

19. 你有否購買保險？若有，共擁有多少份保險？

答：有五份保險，替自己同囝囝買，主要係儲蓄加保險。

20. 你打算何時退休？

答：五十歲。

21. 你認為至少要擁有多少儲蓄才可安心退休？

答：至少500萬，因為依家物價愈來愈貴。

22. 你認為自己有沒有商業頭腦？

答：沒有，所以無想過創業。

23. 你可曾創業？若有，結果是怎樣？

答：沒有，因為怕蝕錢。

24. 可以分享一條絕世發達的妙計嗎？

答：買六合彩。

個人資料

名稱：趙嘉懿（Carrie）

年齡：31歲

職業：模特兒