羽翹30歲前 想有樓揸手

你認為自己現時財富屬於哪一級？

(分五等級：優、良、常、可、劣)

答：常。

你試過最貧窮是何時？當時情況是怎樣？

答：2009年，我初出道時，除咗公司預支人工外，係零收入。公司預支嘅係一個文員嘅人工，仲要還番畀公司。

你試過最富有是何時？當時情況是怎樣？

答：依家。依家賺到錢，不過我嘅生活都冇乜大改變，我唔會使好多錢，因為服裝同美容都有贊助。

每月的收入中，儲蓄、投資及消費分別佔多少？

答：我買咗基金，所以儲蓄同投資係一齊嘅，佔收入兩成。而消費佔我收入五成左右，當中交通費佔最多。

金錢對你的重要程度？

(分五級：極重要、很重要、重要、不重要、絕不重要)

答：重要。

你每月開支平均大約多少？

答：大約12,000至13,000元。

你現時身上帶有多少現金(實數)？

答：$2,000。

你從何時開始儲蓄？

答：由2009年第一份預支糧開始。

你擁有多少個銀行戶口？

答：1個。

你幾多歲賺到首個一百萬？(若未有，估何時？)

答：未有。估三十歲前可賺到。

你現時有否借貸？(包括信用卡、樓宇按揭及私人貸款)

答：冇。

你現時共擁有多少張信用卡？

答：3張。

當中最大的信用限額是多少？

答：好似4萬。

你現時擁有多少物業？(包括自住)

答：冇。家人有一個物業。

第一次買樓時你幾多歲？(如果沒有，你的目標是在幾多歲買樓？)

答：未買。目標係三十歲前。

試舉出三間本港藍籌公司的名稱。

答：舉唔到。

港股在每日何時開市？

答：唔知。（編答：9:30am）

總括而言，你投資股票是賺、打和還是蝕？

答：冇投資股票，基金打和。

現時最看好哪一個國家的貨幣？為甚麼？

答：人民幣。因為人民幣一直升值。

你有否購保險？若有，共擁有多少份保險？

答：有，2份。有人壽保險同醫療保險。

你有些特別的另類投資嗎？

答：冇。因為冇可能不勞而獲，我冇去留意投資方面嘅嘢，都係靠工作搵錢。

你打算何時退休？

答：40歲。

你認為至少要擁有多少儲蓄才可安心退休？

答：500萬。

你可曾創業？若有，結果是怎樣？

答：有，我啱啱創立咗自己嘅化妝品牌，第一擊將會賣化妝掃，放喺我個私人網站度賣，總共投資咗六位數字落去。