魚缸Blogger：中信資源強勢突破
傳統智慧話破位後要追買，港股尋日衝破牛熊分界線後愈升愈有，且係舊年七月以來首次收喺250日線樓上，短線跟進強勢股應該冇得輸！
受盈喜刺激，中信資源（01205）尋日裂口高開後持續走強，尾市更抽上全日高位1.36元收市。睇番公司通告，由於出售澳洲煤炭公司股權同能源售價上升等原因，公司預計一一年度淨利潤將會大增。事實上，舊年商品資源價格處上升趨勢，對近年轉為主攻石油業務嘅中信資源有利，加上全球大量平錢流竄，日本更加大量寬規模，資源股股價自然亦水漲船高。
中信資源尋日正式確認擺脫逾半年嘅大型橫行走勢，下站阻力直指舊年七月高位1.5元。
中信資源（01205）
阻力位：1.50元
支持位：1.25元