約睇樓增25%塞爆代理行

政府未對樓市落藥，加上低息環境持續，繼續「谷起」二手樓市氣氛，特別是一眾苦等多時的用家，紛紛出動睇樓搶入市；代理行數據顯示，全港50個二手指標屋苑今、明兩日預約睇樓量，按周急升逾25%，屬一○年年中後最大升幅；另外上車屋苑如沙田第一城、沙田中心及牛頭角淘大花園等交投突出，本月首十日交投量已突破上月全月水平。

利嘉閣稱，50個二手屋苑今、明兩日錄約2,750組預約睇樓客，按周急升逾25%，屬二○一○年六月後最大升幅；受惠政府未再打壓樓市，加上股市上升及歐債問題暫緩，上車客入市意欲增，四出睇樓，刺激預約睇樓量急升。

除睇樓量急增，個別屋苑交投亦明顯上升，世紀21奇豐周淑萍稱，承接早前購買力，沙田第一城本月已錄約35宗成交，超越上月全月約30宗，並追捧395至410方呎細單位。事實上，屋苑早前已見排隊睇樓人龍，利嘉閣稱，屋苑18座高層面積622方呎戶，售價約380萬元，呎價約6,109元。

沙中睇樓增33%最勁

該行另稱，沙田中心本周末預約睇樓量按周增約33%。中原馮澤源稱，買家信心回升，加快入市，屋苑暫錄10宗成交，上月全月只錄約6宗，其中A座中層C室售約253.8萬元。

市區樓市方面，在東九概念下，代理指，淘大花園及德福花園分別錄約25及14宗成交，較上月全月增加9及3宗；另藍田滙景花園亦錄約10宗，亦超越一月全月。

港島方面，中原稱，買家趁市旺睇樓入市，鰂魚涌康怡花園暫錄約15宗成交，一月全月錄約10宗，同區太古城再錄成交，為元宮閣中層單位，售價約790萬元。

城市花園樓王劈178萬

業主願減價亦是樓市轉旺關鍵。該行續稱，鴨脷洲海怡半島31座中層C室，累減50萬售410萬元，呎價約6,021元，創近月低位；北角城市花園7座中高層「樓王」，減178萬售約1,060萬元，呎價9,217元，較去年同類跌價逾23%。另將軍澳新都城未來預約睇樓量按周升27%。

消息稱，青衣美景花園曾發生事故同層戶售約195萬元，呎價約3,439元，低市價約15%。另外，反映樓價走勢的中原城市領先指數，新報約95.04點，創五周最高，按周升0.6%，為近九周最大升幅。