魚缸Blogger：聯邦制藥有力再上
大市尋日喺250日線前行人止步，回吐壓力初現，但暴炒男就認為啱啱開車嘅板塊應可再升一浸，醫藥股中首選聯邦制藥（03933）。
內地衞生部早前下發《二○一二年衞生工作要點》，主力擴展基本藥物制度嘅實施範圍同完善農村基本藥物嘅配送工作，此舉無疑增加各地嘅藥物流通量，並將農村龐大嘅藥品需求商機釋放出來。而主營產銷抗生素嘅聯邦制藥，目前已有近五成嘅製劑產品銷售到農村，所以今次《要點》嘅公布，對集團嚟講可謂如魚得水。聯邦制藥尋日再升逾5%，繼續朝大圓底頸線阻力推進，料稍作整固後，試頂形態未改，下站阻力先睇6.6元。
聯邦制藥（03933）
阻力位：6.6元
支持位：5.5元