市場徐想：太平洋恩利有睇頭
美國經濟有復甦迹象，不妨留意一下航運股，隨時有意外驚喜！太平洋航運（02343）主要提供國際乾散貨同滾裝貨船航運服務，擁有自身貨船以及租賃貨船，近年亦不斷透過庫務管理，調校自己嘅現金同存款，以及對外嘅投資。太航昨日收報3.77元，市盈率約九倍，唔算貴，息率有5.97厘。
另外，介紹多隻冷門股太平洋恩利（01174）。集團係著名嘅捕撈同魚粉加工廠商，亦有自身營運漁船，以及環球採購、岸上加工、國際分銷多種冷凍海產、漁船燃料買賣，以及提供船務代理服務。大家諗吓，今時今日海鮮海產咁多人幫襯，海產業務潛力十分大！
集團亦有透過直接或間接投資，利用聯營公司優化自己嘅加工同冷凍魚類產品買賣業務。另外，集團已發展出自己嘅捕撈部門，透過新加坡上巿附屬公司中漁集團有限公司經營，已經成為太平洋恩利嘅主要收入來源，值得望多兩眼！
