魚缸Blogger：金蝶大成交開車格
有報道指內地上月新增貸款逾一萬億人仔，加上市傳匯金將降低對大型內銀嘅分紅比例，阿爺曲線放水有迹可尋，恒指尋日破位後資金追貨，睇嚟後市將進入大漲小回嘅格局。
Facebook世紀IPO進行得如火如荼，相關板塊股份近周已起動，而掹車邊算係半隻科網股嘅金蝶國際（00268），尋日終見異動。睇番基本因素，金蝶主營軟件產品同提供相關技術，應受惠「十二五」扶持高技術服務業同軟件行業嘅國策，而集團舊年上半年純利按年升43%，且有基金喺上月底吸貨，加上尋日金蝶嘅走勢一副開車格，喺成交大增下升逾7%，若確認突破上周高位2.48元，下站阻力睇2.7元。
