市場徐想：必瘦站積極擴展版圖
呢排市場有唔少新股，最近一隻新股比較特別，就係必瘦站（01830）。今次必瘦站上市係有備而來，公司依家嘅國際配售方面已經有超額一倍認購，而公司亦大有可能成為龍年首間上市公司！
集團大力拓展業務，發展以「必瘦站」作品牌嘅服務中心，由○九年嘅一間增加到目前嘅四十四間。今次上市集資，睇嚟就係想將業務版圖進一步擴大，喺內地市場開分店！
睇番必瘦站嘅招股文件，集團○九年財政年度純利為2,860萬元，一一年去到5,000萬元左右，增加近倍，大家都知道香港租貴，所以公司依家嘅策略係集中發展內地市場，方向非常正確！集團將借重內地較平嘅經營環境，慢慢將主要盈利重心轉移到中國市場。
必瘦站將會由一二至一三年度開始，將公司每年利潤嘅100%化為股息。睇嚟公司已經有既定嘅計劃，今次上市只係管理層擴張業務規模計劃嘅第一步！
