魚缸Blogger：歐舒丹突破可跟進
歐洲穩定機制（ESM）最終落實，而市場又傳出內地養老金呢支大水喉嘅營運辦法最快今季公布，帶動恒指尋日升230點。
記得暴炒男舊年九月叫股友們留意歐舒丹（00973），結果隨後股價累升逾一成至18.2元先至回落，今次再叫大家𥄫實佢，原因係因為公司尋日公布舊年頭三季銷售淨額按年升16.4%，而中國市場嘅銷售淨額及同店銷售更分別急升58%同19.9%，佳績刺激股價尋日急升逾6%，如果再計埋第四財季（今年一至三月）內地火熱嘅新春銷情預期，全年業績或者有驚喜。歐舒丹尋日突破旗形而上，兼抽穿中短期降軌，不妨順勢跟進，阻力睇18.5元。
歐舒丹（00973）
阻力位：18.5元
支持位：16.0元