魚缸Blogger：特步起跑值得跟進
恒指尋日再升逾300點，收報20,439點，港股龍年有個好開始，而部分體育用品股嘅走勢亦有好轉迹象，李寧（02331）引入基金升逾一成，而近年走國際化路線嘅特步（01368）亦破位兼有11%進帳，短線可跟走一轉。
受行業競爭激烈、產品供應過剩影響，一眾體育用品股舊年股價處捱打狀態，但踏入龍年，行業基本因素似有改善，先係憧憬阿爺為保經濟增長嘅刺激消費政策快將出台，後有體育用品行業「十二五」規劃，加埋今年正值倫敦奧運，體育用品股不愁無炒上誘因。
至於揀特步嘅原因，係公司近年積極贊助國際體育賽事，除進軍英超同世界大學生運動會外，今年更被選為本港渣打馬拉松嘅合作夥伴，品牌知名度冒起，有助其股價走得更高、更遠。特步尋日一支大陽燭突破近兩個月嘅橫行阻力，下站阻力喺2.95元。
特步（01368）
阻力位：2.95元
支持位：2.25元