市場徐想：和黃業務全面向好
新年之後又要奮進！先恭祝大家新年發財！新一年股場新氣象，又係時候發掘有潛質嘅股份！
和黃（00013）嘅港口吞吐量每年以約10%嘅速度增加，加埋不斷實施嘅營運監控，鎖緊利潤。呢兩年，集團嘅地產酒店業務賺到盆滿缽滿，主要受惠於個人遊同埋地產價格上升。
講番和黃嘅3業務，呢幾年仍不斷發展3G，但已比早年搶佔市場時落嘅彈藥少。近排，市場就傳和黃計劃用14億歐元買「奥地利橙」，將3業務繼續全球化。事實上，和黃嘅3G業務已進入收成期，唔再成為集團嘅重大負擔，呢點亦可以喺公司近幾年嘅股價度見到！隨住公司成功調校商業模式，依家和黃唔使再趕急退出3G市場，慢慢物色好買主，又或者繼續經營，變現利潤。隨住3嘅業務發展，客戶總人數持續上升，幾年前搶佔市場嘅效用開始發揮出嚟，睇番數據，集團一○年度業績優良，盈利上升47%，市盈率14.8倍！